Андалузија

Опис на патувањето

 

Андалузија е најголемиот шпански регион со преубави градови и живописни села. Со околу осум милиони жители, таа е поголема од половина европски држави. Најјужниот регион на Шпанија, каде се сретнуваат Средоземното Море и Атлантскиот Океан е местото каде историјата оставила длабоки траги.

Андалузија е лулка на коридата, фламенкото, гитарата... Сонце, страст, звуци на фламенко и впечатливи бои, тоа е Андалузија, регион во кој се допираат истокот и западот во егзотична мешавина од традиционалните: шпанска, еврејска и арапска култура. Освен по убавината и културната разновидност, позната е и по шпанскиот заводник Дон Жуан и уметниците Диего Веласкез и Пабло Пикасо, чии најважни дела се наоѓаат во музејот во неговиот роден град Малага.

Покрај песочните плажи и планинските ресорти, тука е и модерната Андалузија со градови полни со отмени бутици, барови, ресторани и бурен ноќен живот. Андалузиските забави се познати како најгласни и “најколоритни”.

31. Јули (Вторник) СКОПЈЕ - СОФИЈА - МАЛАГА

Состанок на групата на паркингот спроти Хотел Holiday Inn во 09:00 часот. Организиран трансфер до Аеродромот во Софија. Полетување за Малага во 16:55 и пристигнување во 19:45 часот. Трансфер до хотелот и сместување. Ноќевање.

2 до 7 Ден МАЛАГА

Престој во избраниот хотел. Денови за одмор и прошетки. За време на престојот во Малага се организираат факултативни излети...

7. Август (Вторник) МАЛАГА - СОФИЈА - СКОПЈЕ

Појадок. Слободно време за индивидуални прошетки. Полетување за Софија во 20:35 и пристигнување во 01:05 часот. Организиран траснфер до Скопје.

СЕВИЛЈА        

Разглед на “престолнината” на Андалузија, Алказар, некогашна маварска владетелска палата, величествената Катедрала со повеќе олтари, со дела од познатите шпански сликари Франциско Зурбаран и Гоја и високата кула Гиралда со маварска декорација... Препорачуваме прошетка до квартот Санта Круз со вкусување на шпанскиот “тапас” и можност за крстарење со брод по реката Гвадалкивир од Златната Кула.

КОРДОБА

Прошетка до Кордоба, “осамениот град во срцето на Андалузија”, на брегот на реката Гвадалкивир. Разглед на градот опеан во стиховите на Лорка, град кој ги зачувал своите архитектонски бисери како што се: Стариот мост, Еврејскиот кварт и Џамијата Мескита, симбол на градот и чудо на архитектурата, дел од богатството заштитено од УНЕСКО.

ГРАНАДА

Разглед на сликовитата Гранада, град на кралскиот пар Изабела од Кастилија и Фернандо од Арагон. Посета на величествената Алхамбра, чие име на арапски значи „Црвена тврдина“. Тоа е една од најголемите туристички привлечности на Пиринејскиот Полуостров, комплексот од исламски и христијански објекти, заедно со прекрасните градини претставувал инспирација за многу поети. Од 1984 година се наоѓа на листата на УНЕСКО како светско културно наследство.

МАРБЕЛЈА

Прошетка по монденското летувалиште Марбелја, чиј стар дел е опколен со Маварски ѕидини, Плоштадот на портокалите околу кој се наоѓаат итнересни средновековни градби.

 

 

Во цената на аранжманот е вклучено

  • Превоз на релација Скопје - Аеродром Софија – Скопје со вклучени аеродромски такси
  • Авионски превоз на релацијата Софија – Малага - Софија
  • Рачен багаж до 10 кг и 1 куфер за чекирање до 23 кг
  • Сместување во Хотел Sercotel 4* во центарот на Малага на база 7 ноќевања со појадок
  • Трансфери од Аеродромот до Хотелот и обратно
  • Професионална организација на аранжманот и придружник на патувањето

Во цената на аранжманот не е вклучено

  • Влезници во локалитетите, карти за локален превоз (метро)
  • Патничко-здравствено осигурување

Напомени

  • За реализација на аранжманот е потребен минимум од 20 патници
  • За овој аранжман важат општите услови за патување на СКТМ
  • Цените се дадени во евра, уплата се врши исклучиво во денарска противвредност по курс 1 евро = 62 денари

Галерија

Препорачуваме

Дубаи

Градот на раскошот

Париз

Градот на светлината