Будимпешта

Опис на патувањето

08. Март (Четврток) СКОПЈЕ- БУДИМПЕШТА       

Состанок на групата на паркингот пред хотел "Holiday Inn" во 18.00 часот. Тргнување за Будимпешта во 18.30 часот. Се патува преку Србија. Ноќно возење со попатни паузи.

09. Март(Петок) БУДИМПЕШТА

Пристигнување во Будимпешта во утринските часови и разглед на градот со локален водич: Плоштадот на Хероите, Парламентот, улиците Андраши и Ракочи, катедралата Св.Стефан, мостовите на Дунав, Кралската палата, Цитаделата, Рибарската тврдина. Сместување во хотел. Слободно време за индивидуални активности. Потоа, организирана прошетка по улицата Ваци која завршува со познатата слаткарницата Жербо. Можност за факултативно крстарење со брод по Дунав, под прекрасните мостови со можност за единствен поглед од вода на најимпозантните објекти во Будим и Пешта пропратено со прекрасните звуци на виенски валцер и чаша шампањ. Враќање во хотел. Ноќевање.

10. Март (Сабота) БУДИМПЕШТА - ЕСТЕРГОМ – ВИШЕГРАД – СТ.АНДРЕЈА - БУДИМПЕШТА

Појадок. Факултативен излет до Естергом и Вишеград - некогашните центри на кралска Унгарија. Пристигнување во Естергом град кој претставува природна граница помеѓу Унгарија и Словачка. Разглед на градот со локален водич и посета на Естергомската Катедрала која е највисоката црква во Унгарија. Патот продолжува кон Вишеград, каде се наоѓа летната резиденција на кралот Матијас, некогашното кралско седиште на Унгарија. Попладне попатна посета на живописното градче Ст. Андреја каде се негуваат старата архитектура и народните ракотворби, богато со голем број винотеки, музеи, галерии и цркви. Разглед на градот со локален водич и слободно време за индивидуални прошетки и ручек. Враќање во Будимпешта во попладневните часови со можност за посета на некој од големите шопинг центри во градот (доколку дозволува времето). Вечерта, можност за факултативна посета на Чарда - национален ресторан со богата уметничка програма и мени од унгарската национална кујна. Враќање во хотел. Ноќевање.

11. Март (Недела) БУДИМПЕШТА - СКОПЈЕ

Појадок. Можност за посета на Зоолошката градина во Будимпешта, една од најголемите и најубавите во Европа и посета на замокот Вајдахуњад во близина на градскиот парк и плоштадот на Хероите. Поаѓање за Скопје во пладневните часови и пристигнување во доцните вечерни часови.

 

Во цената на аранжманот е вклучено

  • Превоз со високо туристички автобус на наведената релација
  • Сместување во Хотел Berlin 3* во Будимпешта на база 2 ноќевања со појадок
  • Разглед на Будимпешта со лолален водич
  • Организација на аранжманот и придружник на патувањето

Во цената на аранжманот не е вклучено

  • Посета на национален ресторан Чарда 25 евра
  • Крстарење по Дунав со шампањ и локален водич 15 евра
  • Целодневен излет до Естергом и Вишеград со гратис посета на Ст.Андреја со локален водич 20 евра
  • Патничко - здравствено осигурување
  • Влезници за културно - историските споменици и локалитети

Напомени

  • За реализација на аранжманот е потребен минимум од 45 патници
  • За овој аранжман важат Општите услови за патување на СKTM
  • Цените се дадени во евра, уплата се врши во денарска противвредност по курс 1 евро = 62 денари
  • Пасошот треба да важи минимум 3 месеци од завршувањето на патувањето

Галерија

Препорачуваме

Швајцарија

Бајковита Швајцарија

Стразбур

Колмар, Алзас, Шварцвалд

Брисел

Антверпен и Луксембург

Малта

Валета и Гозо