Убавата Галиција

Опис на патувањето

24. Април (Среда) СКОПЈЕ - ИСТАНБУЛ

Состанок на групата на аеродромот во Скопје во 19:30 часот. Полетување за Истанбул во 20:55 и пристигнување во 23:30 часот. Трансфер до хотелот и сместување. Ноќевање.

25. Април (Четврток) ИСТАНБУЛ - ПОРТО - САНТИЈАГО ДЕ КОМПОСТЕЛА

Појадок. Организиран трансфер до аеродромот во Истанбул. Полетување во 11:55 и пристигнување во Порто во 14:50 часот. Трансфер до Сантијаго де Компостела, најзападниот град на Шпанија и сместување во хотелот (околу 200 километри). Попладневна прошетка низ градот со средновековни квартови и тесни улички кои се преплетуваат со симпатични плоштади, со градби во барокни и неокласицистички градби. Во Галиција гастрономијата е уметност. Во Сантијаго де Компостела има голем број ресторани, барови и таверни во кои се јаде добро и обилно. Можност да се вкусат регионалните специјалитети особено говедско месо, риба и разновидна морска храна. Ноќевање.

26. Април (Петок) САНТИЈАГО ДЕ КОМПОСТЕЛА

Појадок. Сантијаго де Компостела e главен град на шпанската автономна покраина Галиција и од 1985 година се наоѓа на листата на светско културно наследство на УНЕСКО. Посета на монументалната Катедрала изградена меѓу 11 и 13 век во римски стил. Западната фасада во барок стил, додадена дополнително на средновековната градба, претставува симбол на градот, а со соседниот Плоштад Пласа дел Обрадоиро се создава хармонична амбиентална целина. Прошетката продолжува по стариот дел на градот, каде секој ден се одржува пазар на локалните прехранбени производи, Плоштадот Кинтана, барокната Палата на Градското Собрание, каде многу шпански писатели наоѓале место за инспирација за своите дела. Во Сантијаго има многу музеи, еден од најстарите универзитети, но и многу пријатни кафулиња, традиционални и современи ресторани специјализирани за галициските специјалитети со прекрасни локални вина. Ноќевање.

27. Април (Сабота) САНТИЈАГО ДЕ КОМПОСТЕЛА - ЛА КОРУЊА - САНТИЈАГО ДЕ КОМПОСТЕЛА

Појадок. Посета на Ла Коруња, вториот град по големина во Галиција, лоциран на брегот на природен залив кој е широк 3 километри, оддалечен од Сантиаго Де Компостела околу 60 километри. Ла Коруња е најбогатиот град во Галиција, благодарејќи на економскиот бум во 1975 година кога е основана модната компанија Зара. Како и кај повеќето градови во Галиција, најинтересен е ,,Cidade Vella’’ стариот дел на градот, со градби од средниот век. Посета на Херкулес кулата која претставува Светилник, најстариот Светилник во светот кој е сè уште во употреба со восхитувачки поглед кон брегот и морето. Панорамски разглед на Аквариумот, Плажите Орсан и Риасор кои со високите бранови се привлечни за сурферите, 6 километри долгото шеталиште ,,Paseo Maritimo’’, Националниот музеј за Наука и Технологија, архитектонското чудо и атракција на градот фудбалскиот стадион ,,Riasor’’, Плоштадот Марија Пита, Градското собрание, згради со стаклени тераси кои се симбол на градот... Враќање во Сантијаго де Компостела во попладневните часови. Слободно време за индивидуални прошетки и вкусување на познатата Сантијаго торта. Ноќевање.

28. Април (Недела) САНТИЈАГО ДЕ КОМПОСТЕЛА - КАМБАДОС - ПОНТЕВЕДРА - ВИГО – ПОРТО (280 км)

Појадок. Поаѓање кон португалската граница долж неверојатниот атлантски брег на Галиција, со карактеристични заливи што настануваат на местото каде што реката се влева во морето и формира широки и долги ,,риас-заливи’’ опкружени со острови. Најмногу прекрасни брегови и заливи се наоѓаат на патот од Сантијаго де Компостела до Виго и се познати како Риас Бахас. Пристигнување во Вилагарсија де Аруса, на бреговите на реката Аруса, предел со прекрасни плажи, живописни места, бујно зеленило, бројни лозја и винарски визби. Особено се издвојува Албарињо, едно од најдобрите бели вина во светот. Прошетка низ живописниот град Камбадос кој се наоѓа во најширокиот галициски залив, со бројни благородни палати, плоштади, улички со калдрми, музеи. Патувањето продолжува до блискиот главен град на провинцијата Понтеведра и истоимениот град. Разглед на градот со Плоштадот Пласа де Еспања, Градското собрание, Аламеда-широката авенија по која се протегаат градби кои се во контраст со средновековните остатоци на манастирот Санто Доминго како национален споменик. Посета на Виго, најголемиот и најгусто населен град во Галиција, лоциран на заливот со најголемото пристаниште во Галиција. Прошетка по плоштадот Plaza de la Constitución, по мрежата од мали улички кои водат до пазарот на Педра, место каде се продаваат вкусните галициски остриги. Патувањето продолжува кон границата со Португалија, до Порто, еден од најстарите градови на Пиринејскиот полуостров по кој Португалија го добила своето име. Сместување во хотелот. Ноќевање.

29. Април (Пoнеделник) ПОРТО                       

Појадок. Прошетка низ Порто, еден од најстарите и културно најбогатите градови во Португалија и Европа, кој од 1996 година е на листата на УНЕСКО, како дел од светското културно наследство. Лоциран на бреговите на реката Дуеро, градот има келтски корени, додека Римјаните и Арапите го освоиле неколку пати оставајќи длабока трага по улиците. Прошетка по Авенијата Алиадос, Катедралата, кулата Клеригос која е симбол на градот, зградата на Берзата, Црквата на Св. Франциско со позлатени барокни резби. Уживањето продолжува покрај брегот до впечатливиот мост Луис, каде се наоѓаат винарските визби. Слободно време за дегустација на познатото Порто вино. Ноќевање.

30. Април (Вторник) ПОРТО - ИСТАНБУЛ

Појадок. Организиран трансфер до аеродромот во Порто. Полетување за Истанбул во 12:05 и пристигнување во 18:35 часот. Трансфер до хотелот и сместување. Ноќевање.

1. Мај (Среда) ИСТАНБУЛ - СКОПЈЕ      

Појадок. Организиран трансфер до аеродромот во Истанбул. Полетување во 07:50 и пристигнување во Скопје во 08:25 часот.

За уплата до 31 Март цената е 799 евра

Редовна цена на аранжманот е 879 евра

Во цената на аранжманот е вклучено

  • Авионски превоз на релација Скопје – Истанбул – Порто и Порто – Истанбул – Скопје со вклучени аеродромски такси
  • Багаж за чекирање до 30кг. и рачен багаж (ташна и 1 торба со димензии 55х40х20см до 8кг.)
  • Трансфер од аеродромот во Порто до хотелот во Сантијаго Де Компостела
  • Трансфер од хотелот во Сантијаго Де Компостела до хотелот во Порто
  • Трансфер од хотелот до аеродромот во Порто
  • 2 ноќевања во Хотел 4/5* во Истанбул и организиран трансфер од/до аеродромот
  • 3 ноќевања со појадок во Хотел Compostela 4* во центарот на Сантијаго Де Компостела
  • 2 ноќевања со појадок во Хотел Stay Hotel Porto Centro Trindade 3* во центарот на Порто
  • Разглед и прошетки според програмата
  • Организација на аранжманот и придружник на патувањето

Во цената на аранжманот не е вклучено

  • Влезници во локалитетите, карти за локален превоз
  • Патничко - здравствено осигурување 450 денари

Напомени

  • За реализација на аранжманот е потребен минимум од 25 патници
  • Цените се дадени во евра, уплата се врши исклучиво во денарска противвредност по курс 1евро = 62 денари
  • Пасошот треба да важи минимум 6 месеци по завршувањето на патувањето
  • ЗА РЕЗЕРВАЦИИ СО ПОНИСКА ЦЕНА ПОТРЕБНА Е УПЛАТА НА 30% ОД ЦЕНАТА НА АРАНЖМАНОТ

Галерија